LA VIDA SECRETA DE LAS PALABRAS
Isabel Coixet é desas directoras que non deixa indiferente co que fai. Pode conseguir que tódolos teus sentimentos afloren cunha soa imaxe ou pode conseguir que te durmas aos cinco minutos de filme. No meu caso, consegue facerme sentir todo o que sinten os seus personaxes e vivir a historia como se me estivese pasando a min.
"La vida secreta de las palabras" son 2 horas de imaxes, palabras e música que forman parte da miña vida porque o meu propio mundo desapareceu durante o filme para entrar a formar parte da historia que a directora recrea na pantalla. Bágoas, sorrisos e rabia son só algunhas das emocións que experimentei mentres presenciaba o conto lento e tranquilo que Coixet compuxo. Unha calma que impera o transcurrir dos feitos para que o espectador poida coñecer moi ben aos personaxes, de tal xeito que as palabras que non chegan a dicir son as que nos fan comprender o filme. Ese é o poder secreto das palabras que a directora convirte en protagonista.
